《《 豬一般的隊友系列之吾熟唔食》》
醫院入面存在左好多黃熟儀一般嘅亞姐
佢地係醫院聘請番嚟幫輕護士嘅日常工作
例如換尿片沖涼量血壓呢類嘅工作
當然啦，有啲亞姐做到汪呀姐咁撚巴閉
淨係用口發號師令叫其他新嚟嘅做
當中亦有啲做極都唔撚化嘅亞姐
目標就係激到姑娘嘔血
通常呢啲嘔血嘅事總要發生係night更⋯⋯
有一晚，我同呢位豬一般的auntie黃熟儀一齊看夜
.
.
.
.
我：熟儀姐呀,你今晚要陪住呢位太太去廁所。
豬姐：哦～～～（的確要哦十秒）佢係床用便盤痾咪得囉。
(醒少少，okay?)
我：咁果個太太話明係太太，後生行到點解要佢用盤呀？俾啲人權呢。
豬姐：哦～～～
我：（悄悄話）不過，因為呢位太太呢就係道友嚟嘅，又試過出去食煙唔番病房，所以呢你記得要睇實佢，帶到佢去廁所，睇住佢番出嚟先好走呀。
豬姐：下～～～好驚喎。
（驚乜很嘢呢？）
我：哦。唔洗擔心，我都係度嘅。不過就係叫你睇住佢，唔好俾佢有機會食煙走左去咋麻。
豬姐：下～～～咁啦，你俾佢係病房食咪唔洗驚囉。
（屌，係咪食懞左呀！！！）
我：你醒未呀？係病房食煙？你知唔知病房有人用氧氣架？你係咪想爆炸呀？
豬姐：哦～～～我睇住佢係個位到食囉⋯⋯（笑笑）
我：⋯⋯⋯⋯唔得。得未？
我明白⋯⋯再講都只係嘥鳩氣
但真係好想大叫：
人嚟呀，俾個鎚仔扑死我啦～～～
.
.
.
.
醫院範圍係嚴禁吸煙
病人有可能用梗氧氣
而且醫院就係儲存大量氧氣嘅地方
即使一點火花都可以釀成災難
所以
醒少少，食煙行遠啲
我唔想番工變燒豬西拼盤。
Search